Դեմոկրատական կուսակցության համագումարի պատվիրակների մեծամասնությունը կաջակցի ԱՄՆ փոխնախագահ Քամալա Հարիսին, որն անհրաժեշտ է Դեմոկրատական կուսակցության կողմից նախագահի թեկնածու առաջադրվելու համար:
Associated Press-ի վերջին գնահատականների համաձայն՝ համագումարի մոտ 2700 պատվիրակներ պատրաստ են քվեարկել Հարիսի օգտին։ Նախագահի առաջադրման համար անհրաժեշտ է 1976 պատվիրակի ձայն: Քվեարկությունը տեղի կունենա օգոստոսի 1-ից օգոստոսի 7-ը։
Նախագահ Բայդենի դուրս գալը նախագահական թեկնածությունից ֆորմալ ռումով դեմոկրատների համար դռներ է բացել նախագահական առաջադրման համար մրցելու համար։ Այնուամենայնիվ, Ջո Բայդենի՝ Քամալա Հարիսի թեկնածությանը սատարելու մասին հայտարարությունից հետո արդեն առաջին ժամերին դեմոկրատ շատ առաջատար քաղաքական գործիչներ հանդես եկան նրա թեկնածության օգտին։
Հարրիսի նախընտրական հիմնադրամը ստացել է ավելի քան ութսուն միլիոն դոլարի նվիրատվություն 888,000 դոնորներից: Երկուշաբթի երեկոյան դեմոկրատներից և ոչ մեկը, բացի Հարիսից, չէր հայտարարել նախագահական թեկնածության ձգտելու իր մտադրության մասին: Մի քանի նահանգների՝ Քենթուկիի, Իլինոյսի, Մերիլենդի, Միչիգանի նահանգապետերը, որոնք նշվում էին որպես թեկնածուի համար պայքարում Քամալա Հարիսի հնարավոր մրցակիցներ, հայտարարեցին, որ սատարում են նրա թեկնածությունը։
Նրանց միացավ քաղաքական ուժի ներկայացուցիչ, Ներկայացուցիչների պալատի նախկին խոսնակ Նենսի Փելոսին, ով ի սկզբանե հրապարակավ չէր պաշտպանում Հարիսի թեկնածությունը:
Հարիսի շտաբը հայտարարել է, որ փոխնախագահի ընտրության գործընթացը կղեկավարի Էրիկ Հոլդերը՝ Բարաք Օբամայի գլխավոր դատախազը։ Դեռևս հստակ ցուցումներ չկան, թե ում կարող է ընտրել Քամալա Հարիսը:
Իր նախընտրական շտաբ այցելության ժամանակ Քամալա Հարիսը սկսել է իր քարոզարշավը՝ նշելով, որ ինքը նախկին դատախազ է և, հետևաբար, ծանոթ է «գիշատիչներին» և «խաբեներին»: «Ես գիտեմ, թե իրենցից ինչ են ներկայացնում Դոնալդ Թրամփի նման անձնավորությունները», - ասել է Հարիսը:
