ԱՄՆ պետդեպարտամենտում պատասխանել են ՆԱՏՕ-ի գծով դաշնակիցների կողմից Ուկրաինայում հրթիռներ խփելու հնարավորության մասին հարցին։ Այս մասին ճեպազրույցում հայտնել է պետդեպարտամենտի ներկայացուցիչ Մեթյու Միլլերը։
Նրան հարցրել են նախագահ Վլադիմիր Զելենսկու հայտարարության մասին, որը դիվանագետներին հանձնարարել է մշակել հարեւան պետությունների կոալիցիայի ստեղծման հնարավորությունը, որոնք կօգնեն խփել ռուսական հրթիռներն ուկրաինական տարածքում։
«Եվ այսպես, սա բանավեճ է, որի մասին որոշումը ՆԱՏՕ-ն կընդունի հավաքական կերպով։ Դա այն չէ, ինչի մասին ես կարող եմ խոսել այստեղից»,- ասել է Միլլերը։
Նրան նաեւ հարցրել են հնարավոր ընդլայնման մասին արեւմտյան զենքով ՌԴ տարածքի խորքին խփելու մասով, ինչին Միլլերը պատասխանել է, որ ԱՄՆ-ը մշտապես ուսումնասիրում է ուկրաինացի զինվորականների պահանջները, գնահատում է անվտանգային իրավիճակը եւ փորձում արձագանքել նրանց պահանջներին։
«Դա գործընթաց է, որը մենք անցնում ենք ամենասկզբից, եւ մենք այդ գործընթացն իրականացնում ենք ինչպես կոնկրետ սպառազինությունների առումով, որոնք մենք տրամադրում ենք Ուկրաինային, այնպես էլ սահմանափակումների իմաստով, եթե դրանք կան, որոնք մենք դնում ենք այդ սպառազինությունների օգտագործման վրա»,- ավելացրել է նա։
Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 
