«Բարսելոնայի» նախագահ Ժոան Լապորտան արձագանքել է 40-ամյա իսպանացի կիսապաշտպան Անդրես Ինիեստայի որոշմանը պրոֆեսիոնալ կարիերան ավարտելու վերաբերյալ։
«Ինիեստան առանցքային մարդ է «Բարսելոնայի» հաջողություններն ու արժեքները հասկանալու համար։ Մենք խոսում ենք Լա Մասիայից դուրս եկած խաղացողի մասին, որը կայացել է տանը։
Ինիեստան մարմնավորում է ակումբում շատ խոր արմատներ ունեցող արժեքներ՝ նվիրվածություն, պատասխանատվություն, մեծ ձգտում։
Անդրեսը «Բարսելոնայի» շատ ֆուտբոլիստների է ներշնչել, շատերն են փորձել նմանվել նրան։ Նա «Բարսելոնայի» անցյալն է, ներկան եւ ապագան։ Նա միշտ եղել է թիմային խաղացող։ Նրան բոլորը սիրում են։ Նա բարի եւ լավ մարդ է»,- Լապորտայի խոսքը մեջբերում է AS-ը։
Ինիստան կատալոնական թիմի հետ դարձել է Իսպանիայի 9-ակի չեմպիոն, 6-ակի գավաթակիր, Չեմպիոնների լիգայի քառակի գավաթակիր։
Իսպանիայի հավաքականի հետ նա դարձել էր 2010թ․ աշխարհի չեմպիոն, 2008 եւ 2012 թվականների Եվրոպայի չեմպիոն։
Ասաց՝ սոցիալական քարտի թվերը նկարի ուղարկի, էսա քեզ հաղորդագրություն կգա, կոդ կգա.Ինչպե՞ս է աշխատել խարդախության սխեման 
