Ուրբաթ օրը Ստամբուլում Հարավային Կովկասի վերաբերյալ «3+3» պլատֆորմի (Ադրբեջան, Հայաստան, Վրաստան-Ռուսաստան, Թուրքիա, Իրան) նիստից հետո նախատեսվում է ընդունել համատեղ հռչակագիր։ Այս մասին հայտնում է TRT Haber հեռուստաալիքը՝ դիվանագիտական աղբյուրներին հղումով։
Փաստաթղթում կընդգծվի տարածաշրջանի երկրների՝ առկա խնդիրները երկխոսության միջոցով լուծելու կարևորությունը, ինքնիշխանությունն ու տարածքային ամբողջականությունը հարգելու անհրաժեշտությունը, ներքին գործերին չմիջամտելը, ուժի կիրառման սպառնալիքի արգելքը և մարդու իրավունքների հարգումը։ Հանդիպման մասնակիցները կխոսեն նաև տնտեսական համագործակցության ընդլայնման մասին, այդ թվում՝ տարածաշրջանային տրանսպորտային միջանցքների ստեղծման հարցում, նշում է հեռուստաալիքը։
Ռուսաստանը «3+3» հարթակի հանդիպմանը կներկայացնի արտգործնախարար Սերգեյ Լավրովը։ Հանդիպման մասնակիցներին կհյուրընկալի Թուրքիայի նախագահ Ռեջեփ Թայիփ Էրդողանը։ Վրաստանը հրաժարվել է մասնակցել «3+3» հարթակի հանդիպմանը:
Հարավային Կովկասում համագործակցության վեցակողմ ձևաչափի նախաձեռնությունը եղել է Ադրբեջանի և Թուրքիայի նախագահների կողմից 2020 թվականի վերջին այն կոչվել է «3+3»: Արտաքին գործերի նախարարների մակարդակով վերջին հանդիպումը Թեհրանում կայացել է 2023 թվականի հոկտեմբերին։
«Ուղեւորից ուղեվարձ ես ուզում, ասում են՝ գնա Նիկոլից ուզի». Վարորդները գործադուլ են անում 
