Իսրայելի արտաքին գործերի նախարարությունը սպառնում է Ֆրանսիայի դեմ դիվանագիտական և իրավաբանական հայցերով այն բանից հետո, երբ Փարիզն արգելել է իսրայելական ընկերություններին, որոնց զենքերն օգտագործվում են Գազայում և Լիբանանում, մասնակցել ռազմածովային խոշոր ցուցահանդեսին, հայտնում է CNN-ը։
Իսրայելին սպառազինությունների վաճառքի ամբողջական դադարեցման կոչերից և ծայրահեղ աջ իսրայելցի նախարարների դեմ պատժամիջոցների քննարկումից մինչև Եվրամիության անդամների միջև դաշինքի հետ Իսրայելի ասոցացիայի համաձայնագրի վերանայման բանակցություններով, եվրոպացի առաջնորդները փորձում են օգտագործել իրենց լծակները Իսրայելի վարչապետ Բենիամին Նաթանյահուին ստիպելու բանակցել հրադադարի շուրջ։
«Իսրայելի հարաբերությունները ԵՄ-ի հետ այս պահին աննախադեպ լարված են»,- CNN-ին ասել է փորձագետ Հյու Լովատը՝ Բեռլինում գործող Արտաքին հարաբերությունների եվրոպական խորհրդի վերլուծական կենտրոնի Մերձավոր Արևելքի և Հյուսիսային Աֆրիկայի ծրագրի ավագ գիտաշխատողը։
Դաշինքի դիրքորոշումը կտրուկ տարբերվում է նրանից, ինչ փորձագետներն անվանեցին եվրոպական երկրների կողմից Իսրայելին ցուցաբերվող անդրդվելի աջակցություն անցյալ տարվա հոկտեմբերի 7-ին, երբ ՀԱՄԱՍ-ի գլխավորած զինյալները Իսրայելում սպանեցին ավելի քան 1200 մարդու և ավելի քան 250-ին պատանդ վերցրեցին, ընդգծում է լրատվամիջոցը:
Բայց քանի որ ՀԱՄԱՍ-ի դեմ Իսրայելի պատասխան գործողությունները վերաճել են նրան, ինչ քննադատներն անվանում են «հավերժ պատերազմ», եվրոպական երկրները փորձում են հեռու մնալ Իսրայելից:
Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 
