ԱՄՆ նախագահի դեմոկրատ թեկնածու և ներկայիս փոխնախագահ Քամալա Հարիսը ռիսկեր է տեսնում, որ «Պուտինը կնստի Կիևում», եթե իր մրցակից Դոնալդ Թրամփը իշխանություն ստանա, հայտնում է CNN-ը։
Քամալա Հարիսը, ելույթ ունենալով Միչիգանում նախընտրական միջոցառման ժամանակ, հիշեցրել է Թրամփի բազմիցս տված խոստումները, որ 24 ժամվա ընթացքում կդադարեցնի ռուս-ուկրաինական պատերազմը:
«Կարդացեք սա և հասկացեք, թե ինչ է նա ասում: Նա կապիտուլյացիայի կենթարկեր... Կստիպեր Ուկրաինային կապիտուլյացիայի ենթարկվեր՝ իր ինքնիշխանությունը խախտած ագրեսորի դեմ պայքարում: Եթե Դոնալդ Թրամփը նախագահ դառնա, Վլադիմիր Պուտինը կնստի Կիևում: Գիտակցե՛ք, թե դա ինչ նշանակություն կունենա Ամերիկայի և աշխարհում մեր դիրքի համար»,- ասել է Հարիսը:
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
