Ուկրաինայի հակամարտությունը սաստկացրել է սպառազինությունների հերթական մրցավազքը՝ այս անգամ ռադիոէլեկտրոնային պայաքարի ոլորտում, գրում է «Տեխկուլտ»-ը։ Իտալական Leonardo UK հոլդինգի բրիտանական ստորաբաժանումը Վաշինգտոնում ԱՄՆ բանակի ասոցիացիայի տարեկան հանդիպմանը ներկայացրել է խոստումնալից ռադիոէլեկտրոնային պայաքարի BriteStorm համակարգը։
BriteStorm համակարգի գործարկման սկզբունքը կեղծ հզոր թվային ազդանշանների ձևավորումն է, ինչը ռազմաօդային ուժերի հարվածային խմբերին հնարավորություն է տալիս հակաօդային պաշտպանության համակարգերը հաղթահարել նվազագույն կորուստներով:
BriteStorm-ը տեղադրված է տարբեր ինքնաթիռների, հիմնականում անօդաչու թռչող սարքերի և մարտական ինքնաթիռներից առաջ թռչող հրթիռների, ինչպես նաև բուն ինքնաթիռների վրա: Այն շատ հավաք է և ընդամենը 2,5 կգ է կշռում:
Համակարգի ալգորիթմները հիմնված են Digital Radio Frequency Memory (DRFM) տեխնոլոգիայի վրա: Հակառակորդի ռադարից զոնդավորման ազդանշաններ ստանալուց հետո կայանքը կրկնօրինակում է դրանց հրահանգն ու այնուհետև նույն հաճախականությամբ նմանատիպ իմպուլս է հետ ուղարկում: Արդյունքում հակառակորդի ռադարների էկրաններին ցուցադրվում են բազմաթիվ կեղծ թիրախներ՝ մոլորության մեջ գցելով նրա հակաօդային պաշտպանության համակարգը։
Այսօր Leonardo համակարգն արդեն ավարտել է BriteStorm-ի ձևավորումը և սկսել է փորձարկել այն։ Մեծ Բրիտանիայի թագավորական ռազմաօդային ուժերն արդեն խոստումնալից համակարգի նկատմամբ բուռն հետաքրքրություն են ցուցաբերել։
Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 
