Աշխարհի առաջնության հարավամերիկյան գոտու ընտրական մրցաշարի 12-րդ տուրում աշխարհի չեմպիոն եւ Ամերիկայի գավաթակիր Արգենտինայի հավաքականը տանը մրցեց Պերուի թիմի հետ եւ առավելության հասավ 1:0 հաշվով։

Միակ գոլը 55-րդ րոպեին խփեց Իտալիայի չեմպիոն Միլանի «Ինտերի» հարձակվող Լաուտարո Մարտինեսը, որին գոլային փոխանցում կատարեց ամերիկյան «Ինտեր Մայամիի» հարձակվող Լիոնել Մեսին։

Արգենտինան 25 միավորով գլխավորում է մրցաշարային աղյուսակը եւ 5 միավոր առաջ է երկրորդ տեղում գտնվող Ուրուգվայից, որն այս տուրում 1:1 հաշվով ոչ ոքի խաղաց բրազիլացիների հետ։

Ուրուգվայցիները 55-րդ րոպեին բացեցին հանդիպման հաշիվը Մադրիդի «Ռեալի» կիսապաշտպան Ֆեդերիկո Վալվերդեի գոլի շնորհիվ։ Բրազիլիայի պատասխան գոլը 62-րդ րոպեին խփեց բրազիլական «Ֆլամենգոյի» կիսապաշտպան Ժերսոնը։

Բրազիլիան երկրորդ խաղում անընդմեջ խաղաց ոչ ոքի եւ 18 միավորով 5-րդ տեղում է։