Վերջին 3 օրվա ընթացքում Ուկրաինայի զինված ուժերը արևմտյան հեռահար զենքով երկու հարված են հասցրել Կուրսկի մարզում գտնվող թիրախներին՝ հայտնել է Ռուսաստանի պաշտպանության նախարարությունը՝ ներկայացնելով հրթիռների բեկորների լուսանկարներ:
Ըստ հաղորդագրության՝ նոյեմբերի 23-ին ամերիկյան ATACMS 5 հրթիռով թիրախավորվել են С-400 զենիթահրթիռային դիվիզիայի դիրքերը։ Հրթիռներից 3-ը խոցվել է, մյուս երկուսի անկման հետևանքով կան ավերածություններ և տուժածներ:
Նոյեմբերի 25-ին էլ ութ հրթիռ է արձակվել Կուրսկ-Վոստոչնի օդանավակայանի ուղղությամբ, հայտնի է ավերածությունների և զինվորականների շրջանում տուժածների մասին:
ՌԴ պաշտպանության նախարարությունը զգուշացրել է՝ պատասխան գործողություններ են նախապատրաստվում։
