«Քաղաքացիական պայմանագիր» խմբակցությունից հեռացված, այժմ անկախ պատգամավոր Հովիկ Աղազարյանին անձեռնմխելիությունից զրկելու հարց այս պահին չի քննարկվում։ Այս մասին լրատվամիջոցներին հայտնել են Գլխավոր դատախազությունից:
Նշենք, որ Հովիկ Աղազարյանի պաշտպան փաստաբան Հակոբ Ճարոյանը լրատվամիջոցնեին ասել է, որ հավանաբար հունվար 20-ին գլխավոր դատախազը կգնա Ազգային ժողով՝ պատգամավորին անձեռնմխելիությունից զրկելու հարցով, դրանից հետո կկալանավորեն կամ տնային կալանքի կենթարկեն։
Հիշեցնենք, որ Հակակոռուպցիոն կոմիտեն, դատախազությունից ստացված հաղորդման հիման վրա, Հովիկ Աղազարյանի վերաբերյալ նախաձեռնել է քրեական վարույթ՝ ՀՀ քրեական օրենսգրքի 427-րդ հոդվածի 1-ին մասի հատկանիշներով (Պետական գաղտնիք պարունակող տեղեկություն հրապարակելն այն անձի կողմից, որը դրա հետ ծանոթանալու իրավունք ուներ, եթե բացակայում են սույն օրենսգրքի 418-րդ հոդվածով (պետական դավաճանությունը) նախատեսված հանցանքի հատկանիշները )։
«Քաղաքացիական պայմանագիր» կուսակցության վարչության որոշմամբ Հովիկ Աղազարյանը հեռացվել է «Քաղաքացիական պայմանագիր» կուսակցությունից՝ պետական և կուսակցական նշանակության կոնֆիդենցիալ տեղեկատվության արտահոսքերի, ինչպես նաև հանրության բարոյական նորմերի կոպիտ խախտումների պատճառով։ Դրանից հետո Աղազարյանը հայտարարել էր ՔՊ խմբակցությունից դուրս գալու մասին։
«Եթե ժամկետների խախտում լիներ, Գեղամ Մանուկյանը ինձ օր ու արև չէր տա». Անդրանիկ Քոչարյան 
