Անգլիայի Պրեմիեր լիգայի առաջատար «Լիվերպուլի» եգիպտացի հարձակվող Մոհամեդ Սալահն ակումբային ռեկորդ է գրանցել, հաղորդում է Opta-ն։

Անգլիայի առաջնության 19-րդ տուրի խաղում (5:0) Լոնդոնի «Վեստ Հեմի» դարպասը գրավելու շնորհիվ 32-ամյա ֆուտբոլիստը խփել է 20-րդ գոլն ընթացիկ մրցաշրջանում։

«Լիվերպուլի» պատմության մեջ Մոհամեդ Սալահն առաջինն է, ում հաջողվում է 8 մրցաշրջան անընդմեջ առնվազն 20 գոլ խփել բոլոր մրցաշարերում։