Ռուսաստանը 2027 թվականին հիմք կստեղծի իր սեփական կապի արբանյակների խմբի համար, հետագայում ուղեծիր դուրս կբերվի մոտ 300 սարք՝ ամբողջությամբ ծածկելով ԵԱՏՄ բոլոր երկրների տարածքը, ասել է ՌԴ վարչապետ Միխայիլ Միշուստինը։

Ռուսաստանի համար թվայնացման ոլորտում առանցքային ուղղություններից մեկը առաջադեմ տիեզերական համաստեղությունների և նոր մակարդակի ծառայությունների մատուցման համակարգերի զարգացումն է, նշել է ՌԴ կառավարության ղեկավարը՝ ուրբաթ օրը ելույթ ունենալով Digital Almaty 2025 ֆորումում։


«Հաջորդ տարի նախատեսվում է կապի չորս տիեզերանավ արձակել խիստ էլիպսաձեւ ուղեծիր, որոնք, ի թիվս այլ բաների, կապահովեն լայնաշերտ հասանելիության ծառայություններ դեպի գերարագ ինտերնետ Ռուսաստանի Դաշնության ողջ տարածքում, ներառյալ Արկտիկայի գոտին։ Եվս մեկ տարի մենք հիմք կստեղծենք մեր սեփական ցածր ուղեծրային խմբի համար»,- ասել է Միշուստինը։