«Զենիթի» հետ Սպարտակի պաշտոնական կայքին տված հարցազրույցի ժամանակ իր տպավորություններով է կիսվել թիմի լավագույն ռմբարկու Հայաստանի հավաքականի հարձակվող Յուրա Մովսիսյանը:
«Դա երկու առաջատարների դիտարժան խաղ էր: Գտնում եմ, որ մենք մեզ վատ չցուցաբերեցինք, մեր բոլոր ջանքերը գործադրեցինք, սակայն այնուամենայնիվ կնշեմ, որ մեծ մասամբ մենք ինքներս պարտվեցինք խաղը, քան հակառակորդը հաղթեց: Դրա պատճառը հնարավոր է այն է, որ մեզ ինչ-որ տեղ չբավականացրեց թարմություն, ամեն դեպքում դա մեր երրորդ խաղն էր շաբաթվա ընթացքում: Սակայն կային նաև սեփական անհատական սխալներ»,- նշել է Յուրա Մովսիսյանը:
Իր թվով վեցերորդ գոլի մասին Մովսիսյանը արտահայտվել է այսպես. «Այո դա այդպես է, սակայն ես ավելի շատ կուրախանայի, եթե այդ գոլը լիներ վճռորոշ: Արդյունքում բոլորը հիասթափված են արդյունքով: Չեմ կարող չասել Սպարտակի երկրպագուների աջակցության մասին, որոնք այսօր, ինչպես միշտ, հիանալի էր: Անչափ հաճելի է, որ մեզ միշտ ուղեկցում են այդքան երկրպագուներ: Դա շատ է օգնում ակումբին, հատկապես այսպիսի դժվարին դրսի խաղերում»:
Հիշեցնենք, որ չնայած մեր ֆուտբոլիստների՝ Յուրա Մովսիսյանի և Արազ Օզբիլիսի ցույց տված փայլուն խաղի Սպարտակը չկարողացավ հաղթանակ տանել և պարտություն կրեց Զենիթից 4:2 հաշվով: Ընդ որում խաղում գոլի հեղինակ դարձավ նաև Մովսիսյանը Օզբիլիսի փոխանցումից հետո:
Նիկոլ Փաշինյանը պատմել է, թե ինչու է որոշել սափրվել 
