ԱՄՆ զինված ուժերի շտաբի պետերի միացյալ շտաբի նախագահի պաշտոնի համար առաջադրված գեներալ-լեյտենանտ Դեն Քեյնը Կոնգրեսի լսումների ժամանակ հայտարարել է, որ Իրանի միջուկային ներուժը տագնապ է հարուցում։
«ԱՄՆ քաղաքականությունն ու շահերն են՝ թույլ չտալ Իրանին միջուկային զենք ձեռք բերել, չեզոքացնել Իրանի տարածաշրջանային ագրեսիայի արշավը և խափանել Իսլամական հեղափոխության պահապանների կորպուսի ապակայունացնող գործունեությունը:
Միավորված ուժերը կպահպանեն Իրանին միջուկային զենք ձեռք բերելը կանխելու և Իրանի կողմից աջակցվող սպառնալիքների դեմ ուղղված գործողությունները բացահայտելու և աջակցելու կարողությունը. և ճնշելու ահաբեկչական սպառնալիքները, որոնք սպառնում են Հայրենիքին և ԱՄՆ շահերին:
ԱՄՆ զինված ուժերը կհամագործակցեն Մերձավոր Արևելքի գործընկերների հետ՝ իրանական ագրեսիայից զսպելու և նրանից պաշտպանվելու կարողությունը բարձրացնելու նպատակով»,- հայտարարել է Քեյնը։
Նա հայտարարել է, որ Իրանն ունի հազարավոր բալիստիկ և թևավոր հրթիռներ և միակողմանի գորողության անօդաչու թռչող սարքեր, որոնք կարող են հարվածել Իսրայելի և տարածաշրջանում ԱՄՆ շահերին, և իր սովորական ռազմական հնարավորություններն օգտագործելու իր կարողությունը ցույց է տվել անցած տարվա ընթացքում անմիջականորն Իսրայելի դեմ երկու լայնածավալ հարձակումներում:
«Միջուկային ներուժի հարցի նրանց դիտարկումը տագնապ է հարուցում»,- շեշտել է նա։
Ըստ շտաբի պետերի միացյալ նախագահի թեկնածուի՝ Իրանի ղեկավարության որոշումների ընդունման վրա կարող է ազդել «նրա ազգային առաջնահերթություններին սպառնացող վտանգը, որը ներառում է ռեժիմի գոյատևման ապահովումը, ազգային անվտանգությունը ներքին և արտաքին սպառնալիքներից պաշտպանելը և որպես Մերձավոր Արևելքում գերիշխող տարածաշրջանային ուժ»:
«Միայն ռազմական ուժը կարող է բավարար չլինել Իրանին զսպելու համար, և անհրաժեշտ է դիվանագիտական ներգրավվածություն և տնտեսական խթաններ ներառող մոտեցում ցուցաբերել», -հայտարարել է Քեյնը:
Նա հավելել է, որ Մերձավոր Արևելքում ԱՄՆ ազգային անվտանգության հիմնական շահերը ներառում են տարածաշրջանում դաշնակիցներին, մասնավորապես Իսրայելին և ՆԱՏՕ-ին աջակցելը, ինչպես նաև հակազդել միջուկային զենքի տարածմանը և թույլ չտալ, որ Իրանը միջուկային զենք ձեռք բերի:
