Քանյե Ուեսթը կրկին ապստամբել է Քարդաշյանների ընտանիքի դեմ։ Այս անգամ նրա թիրախը Քլոեն էր։ Ռեփերին զայրացրել է, որ Քլոեն վերահրպարակել է իր դստեր՝ Նորթ Ուեսթի լուսանկարը: «Նորթն այնքան հասուն է թվում», - մակագրել է Քլոեն լուսանկարը:
Քանյեն դա օգտագործել է որպես առիթ՝ հերթական կատաղի քննադատությունը հնչեցնելու Քարդաշյան-Ջեներ կլանի հասցեին՝ նրանց մեղադրելով իր երեխաներին շահարկելու և շահագործելու մեջ։
«Դժվար է, երբ գիտես, որ քո երեխաներին օգտագործում են»,- գրել է նա X-ում: «Մարդիկ գիտեն, թե ինչու եմ ես խելագարվել: Ես ստիպված կլինեմ հեռու մնալ կամ բանտ նստել: Եվ ես վստահ եմ, որ Քամալային աջակցող ոչ մի հայտնի մարդ, որ հանդես է գալիս ի պաշտպանություն սեւերի, ոչինչ չի ասի ի պաշտպանություն ինձ կամ իմ երեխաների: Եթե մի խումբ հայտնի սեւամորթ աստղեր ոտքի կանգնեին, ես երեխաներիս կփրկեի այս ամենից։ Դուք բոլորդ դիտում եք, թե ինչպես են այս սպիտակամորթ կանայք օգտագործում ներշնչանքը և առեւտուր անում սեւ երեխաներով եւ ինձ ասում եք. «Սա այն է, ինչի տակլ ես ստորագրել եմ»:
Սա առաջին դեպքը չէ, երբ Ուեսթը դժգոհություն է հայտնում իր նախկին կնոջ՝ Քիմ Քարդաշյանի և նրա հայտնի ընտանիքի նկատմամբ։ Սոցիալական ցանցերում նրա վերջին հրապարակումները վերածվել են զզվելի մեղադրանքների, որ Քարդաշյաններն իր երեխաներին ներգրավել են սեքսուալ առևտրի մեջ:
