Անգլիայի չեմպիոն «Մանչեսթեր Սիթիի» բելգիացի կիսապաշտպան Կեւին Դե Բրույնեն սոցիալական ցանցերում արած հրապարակումով հայտարարել է ամռանը կատալոնացի Խոսեպ Գվարդիոլայի գլխավորած թիմից հեռանալու մասին։

33-ամյա ֆուտբոլիստը կհեռանա ազատ գործակալի կարգավիճակում։ Նա 10 տարի անցկացրեց «Մանչեսթեր Սիթիում»՝ 413 խաղում խփելով 106 գոլ, կատարելով 174 գոլային փոխանցում։ Դե Բրույնեն «Մանչեսթեր Սիթիի» հետ նվաճել է 18 տիտղոս։

Նրա պայմանագիրը նախատեսված է մինչեւ հունիս։ Transfermarkt-ը Դե Բրույնեի տրանսֆերային արժեքը գնահատում է 27 միլիոն եվրո։