Չեմպիոնների լիգայի քառորդ եզրափակիչի առաջին խաղում Իսպանիայի փոխչեմպիոն «Բարսելոնան» տանը մրցեց Դորտմունդի «Բորուսիայի» հետ եւ հաղթեց 4:0 հաշվով։
Գերմանացի Հանս-Դիտեր Ֆլիկի գլխավորած թիմից դուբլի հեղինակ դարձավ լեհ հարձակվող Ռոբերտ Լեւանդովսկին։ Աչքի ընկան նաեւ բրազիլացի հարձակվող Ռաֆինյան եւ Իսպանիայի հավաքականի հարձակվող Լամին Յամալը։
Օրվա մյուս խաղում Ֆրանսիայի նորընծա չեմպիոն ՊՍԺ-ն Փարիզում 3:1 հաշվով կամային հաղթանակ տարավ անգլիական «Աստոն Վիլայի» նկատմամբ։
35-րդ րոպեին հանդիպման հաշիվը բացեց հյուրերի անգլիացի կիսապաշտպան Մորգան Ռոջերսը։ 4 րոպե անց հավասարությունը վերականգնեց ֆրանսիացի կիսապաշտպան Դեզիրե Դուեն։ Իսպանացի Լուիս Էնրիկեի գլխավորած թիմի երկրորդ գոլը 49-րդ րոպեին խփեց վրացի հարձակվող Խվիչա Կվարացխելիան։ Ավելացված երկրորդ րոպեին աչքի ընկավ նաեւ պորտուգալացի Նունու Մենդեշը։
Չեմպիոնների լիգա, քառորդ եզրափակիչ, առաջին հանդիպում
«Բարսելոնա» - «Բորուսիա Դորտմունդ»՝ 4:0 (տեսանյութ)
Ռաֆինյա, 25, Ռոբերտ Լեւանդովսկի, 48, 66, Լամին Յամալ, 77
ՊՍԺ - «Աստոն Վիլա»՝ 3:1 (տեսանյութ)
Դեզիրե Դուե, 39, Խվիչա Կվարացխելիա, 49, Նունու Մենդեշ, 90+2 - Մորգան Ռոջերս, 35
Ապրիլի 8
«Արսենալ» - «Ռեալ Մադրիդ»՝ 3:0 (տեսանյութ)
Դեքլան Ռայս, 58, 70, Միկել Մերինո, 75
«Բավարիա» - «Ինտեր»՝ 1:2 (տեսանյութ)
Թոմաս Մյուլեր, 85 - Լաուտարո Մարտինես, 38, Դավիդե Ֆրատեզի, 88
Պատասխան հանդիպումները տեղի կունենան ապրիլի 15-16-ին։
