Շանհայի ֆոնդային բորսան բացվել է 1,29 տոկոս աճով, իսկ Շենչժենի ֆոնդային բորսան՝ 2,29 տոկոս այն բանից հետո, երբ Չինաստանի կառավարությունը հայտնել է, որ ԱՄՆ ներմուծման հավելյալ մաքսատուրքերը կբարձրացնի մինչեւ 84 տոկոս: Այս մասին վկայում են առեւտրի տվյալները։
Shanghai Composite ինդեքսը բարձրացել է մինչեւ 3 327,84, իսկ Shenzhen Component ինդեքսը բարձրացել է մինչեւ 9 757,98 կետ:
Ավելի վաղ Չինաստանի պետխորհրդի սակագնային հանձնաժողովը հայտնել էր, որ ԱՄՆ-ից ներմուծման լրացուցիչ մաքսատուրքերը կբարձրացնի մինչեւ 84 տոկոս: Այս միջոցը ձեռնարկվել է ի պատասխան ԱՄՆ նախագահ Դոնալդ Թրամփի կողմից չինական ապրանքների մաքսատուրքերի բարձրացման։
