Սլովակիայի մայրաքաղաք Բրատիսլավայում անցկացվող հունահռոմեական ոճի ըմբշամարտի Եվրոպայի առաջնությունում Մալխաս Ամոյանը երկրորդ հաղթանակը տարավ եւ կպայքարի եզրափակիչի ուղեգրի համար:
Փարիզի Օլիմպիական խաղերի բրոնզե մեդալակիր, աշխարհի չեմպիոն, Եվրոպայի եռակի չեմպիոն Մալխաս Ամոյանը 77 կգ քաշայինների քառորդ եզրափակիչում գոտեմարտեց մոլդովացի Ալեքսանդր Սոլովեյի հետ եւ առավելության հասավ 7:2 հաշվով:
Մրցակիցը պարբերաբար հարվածում էր Ամոյանի գլխին: Գորգի մրցավարի մի քանի նկատողություններից հետո, մոլդովացուն կանոնների խախտման համար 2 միավոր ավելացրին Ամոյանի հաշվին: Մալխաս Ամոյանը դիտարժան գոտեմարտ անցակցրեց՝ բոլոր միավորները գեղեցիկ գցումներով եւ գլորումներով վաստակելով:
Եվրոպայի եռակի չեմպիոնը 1/8 եզրափակիչում ժամանակից շուտ 9:0 հաշվով պարտության էր մատնել աշխարհի եւ Եվրոպայի փոխչեմպիոն, լեհ Մատեուշ Բենրատեկին:
Եվրոպայի առաջնության կիսաեզրափակիչում է նաեւ աշխարհի բրոնզե մեդալակիր, Եվրոպայի առաջնության եռակի բրոնզե մեդալակիր, Տոկիոյի Օլիմպիական խաղերի մասնակից, 63 կգ քաշային Կարեն Ասլանյանը քառորդ եզրափակիչում 8:0 հաշվով հաղթեց լեհ Մայրբեկ Սալիմովին եւ դուրս եկավ կիսաերզափակիչ:
Հունահռոմեական ոճի ըմբշամարտի Հայաստանի թիմից պարտություններ են կրել Կարեն Խաչատրյանը (87 կգ) եւ Դավիթ Օվասապյանը (130 կգ):
Եվրոպայի բրոնզե մեդալակիր, 55 կգ քաշային Մանվել Խաչատրյանը մեկնարկային քարորդ եզրափակիչում կմրցի 2022թ. Եվրոպայի բրոնզե մեդալակիր, Մ23 Եվրոպայի չեմպիոն, թուրք Էմրե Մուտլուի հետ:
