Վաշինգտոնում ամերիկյան բանակի 250-ամյակին նվիրված անցկացվելիք զորահանդեսը Միացյալ Նահանգներին կարժենա 25-45 միլիոն դոլար, գրում է The Hill-ը՝ վկայակոչելով բանակի աղբյուրին։
Պարբերականի աղբյուրը տվել է հունիսի 14-ի զորահանդեսի արժեքի գնահատականը՝ բոլոր տոնական միջոցառումներով, ներառյալ՝ համերգով և հրավառությամբ հանդերձ։ Սպասվում է, որ զորահանդեսին կմասնակցեն մոտ 150 ցամաքային տեխնիկա և 50 ինքնաթիռ։ Դրան կմասնակցեն գրեթե բոլոր բանակային ստորաբաժանումների ներկայացուցիչները, ինչպես նաև Վիետնամի պատերազմի վետերանները։
Ավելի վաղ ԱՄՆ նախագահ Դոնալդ Թրամփը հայտարարել էր, որ մայրաքաղաքում տոնակատարությունները կազմակերպվում են «նշելու համար, որ ԱՄՆ-ն ունի աշխարհի լավագույն սպառազինությունը»։
Հունիսի 14-ը Թրամփի ծննդյան օրն է։
Մաքրենք մեր կյանքի որոմը. Բագրատ Սրբազանի վերջին ուղիղ եթերը 
