Իսրայելական բանակը տասնյակ հազարավոր պահեստազորայիններ է մոբիլիզացնում: Սա տեղի է ունեցել հունիսի 13-ին Իրանի վրա զանգվածային հարվածից հետո, ասել է շտաբի պետ Էյալ Զամիրը։

Նա նշել է, որ Իսրայելի համար «սրանք վճռորոշ օրեր են» և երկիրը «գտնվում է ապագան ամրապնդելու գործողության նոր փուլի սկզբում»։

«Մենք գտնվում ենք պատմական արշավի մեջտեղում, որը մեր պետությունը երբեք չի տեսել: Սա կարևորագույն գործողություն է, որը նպատակ ունի կանխել թշնամու կողմից գոյության սպառնալիքը, որը նպատակ ունի ոչնչացնել մեզ», - ասել է շտաբի պետը։


Ըստ նրա, Իսրայելի պաշտպանության բանակը գործողությունը սկսել է, քանի որ «ժամանակը եկել է»: Զամիրը նաև զգուշացրել է Իսրայելի ժողովրդին Իրանից եկող վտանգի մասին։

«Այս պահին ես խնդրում եմ ձեզ աջակցել Իսրայելի պաշտպանության բանակի զինվորներին և անվտանգության ուժերին, որոնք գործում են վճռականորեն բոլոր ճակատներում՝ թե՛ մոտ, թե՛ հեռու։ Նրանք պաշտպանում են մեզ բոլորիս՝ վտանգելով իրենց կյանքը։ Մենք մոբիլիզացնում ենք տասնյակ հազարավոր պահեստազորայինների և պատրաստվում ենք բոլոր սահմաններին։ Ես զգուշացնում եմ ձեզ. յուրաքանչյուր ոք, ով կփորձի մարտահրավեր նետել մեզ, բարձր գին կվճարի», - ասել է նա։