Իսրայելի ռազմաօդային ուժերի կործանիչները ոչնչացրել են Սիրիայի հարավային Էզրա քաղաքում գտնվող հրամանատարական կետը և զինամթերքի պահեստները, հաղորդում է Սիրիայի պետական հեռուստատեսությունը։

Դամասկոսից 65 կմ հեռավորության վրա գտնվող Էզրաա քաղաքում գտնվում է 12-րդ տանկային գնդի դաշտային ճամբարը։ Ոչնչացվել են հրամանատարական կետը, զինամթերքի պահեստները և վառելիքի պահեստը։

Հեռուստաալիքի տվյալներով՝ ինքնաթիռները հարձակվել են ՆԳՆ-ի և ՊՆ-ի հատուկ նշանակության ուժերի մեխանիզացված շարասյուների վրա, որոնք Դամասկոսից ժամանել էին հարավային շրջաններ՝ այնտեղ կայունությունը վերականգնելու և դրուզ լեռնականների ինքնապաշտպանության ուժերը զինաթափելու համար։

Օրվա առաջին կեսին իսրայելական ինքնաթիռները երեք անգամ հարձակվել են Աս-Սուվեյդա քաղաքում (Դամասկոսից 90 կմ հեռավորության վրա) և նրա շրջակայքում գտնվող ցամաքային թիրախների վրա: Ավիահարվածների հետևանքների կամ կորուստների մասին տեղեկություններ չեն եղել: