Իրանի խորհրդարանի դատական և իրավական հարցերի հանձնաժողովի անդամները տասնյակ երկրների կոչ են արել աշխատել Իսրայելի նկատմամբ պատժամիջոցներ կիրառելու ուղղությամբ՝ ռեժիմի կողմից «միջազգային նորմերի և մարդու իրավունքների համակարգված խախտման» պատճառով, հաղորդում է Mehr-ը։
44 երկրների խորհրդարաններին հինգշաբթի ուղարկված նամակում օրենսդիրները խնդրել են օրենսդիր մարմինների իրավական հանձնաժողովներին դատապարտել անցյալ ամիս Իսլամական Հանրապետության դեմ Իսրայելա-ամերիկյան անօրինական ագրեսիան և իրենց որոշման մասին տեղեկացնել Միջխորհրդարանական միությանը:
Նրանք միաժամանակ այդ երկրների խորհրդարաններին կոչ են արել իրենց օրակարգում ներառել Իսրայելի դեմ սահմանափակող միջոցառումների ընդունման օրենսդրական գործընթացը։
«Նմանապես, իրավական կոմիտեներին առաջարկվել է Իսրայելի հանցագործությունների հետաքննությունը փոխանցել իրենց երկրի դատական համակարգին՝ սիոնիստական ռեժիմի և Միացյալ Նահանգների անպատժելիությունը կանխելու և Իսրայելին աշխարհում պատերազմ հրահրելուց կանխելու համար», - ասված է Իրանի խորհրդարանի դատական և իրավական հարցերի հանձնաժողովի ղեկավար Մոհամմադ Սարղազիի ստորագրած նամակում։
Շառլ Ազնավուրի արձանի բացումից հետո այս տեղը կդառնա հանդիպման ու հիշողության վայր. Ավինյան 
