Ֆուտբոլի Հայաստանի չեմպիոն եւ գավաթակիր «Նոայի» եւ Հայաստանի հավաքականի պաշտպան Հովհաննես Համբարձումյանը խոսել է հունգարական «Ֆերենցվարոշի» դեմ Չեմպիոնների լիգայի որակավորման երկրորդ փուլի պատասխան հանդիպման մասին։

Առաջին խաղում «Նոան» պարտվել է 1:2 հաշվով։

«Թիմը լիովին պատրաստ է պատասխան հանդիպմանը։ Ամեն ինչ անելու ենք լավ արդյունք գրանցելու համար։

Առաջին հերթին թիմային խաղը պետք է շատ բարձր մակարդակի վրա լինի, սխալները քիչ լինեն, կենտրոնացվածությունը 90 րոպեների ընթացքում բարձր պահենք։ Բոլորը միասին կօգնի մեզ անցնել հաջորդ փուլ»,- ասել է Հովհաննես Համբարձումյանը։

Պատասխան հանդիպումը տեղի կունենան հուլիսի 30-ին եւ կմեկնարկի Երեւանի ժամանակով 22:00-ին։