Բրազիլիայի ղեկավարությունը մտահոգված է երկրի ղեկավար Լուլա դա Սիլվայի և ԱՄՆ նախագահ Դոնալդ Թրամփի միջև հեռախոսազրույցի հնարավորության կապակցությամբ՝ երկու երկրների միջև հարաբերություններում հակամարտության հնարավոր սրման պատճառով, հաղորդում է O Globo թերթը՝ հղում անելով աղբյուրներին։
Ավելի վաղ Սպիտակ տունը հայտարարել է բրազիլական մի շարք ապրանքների վրա 50% մաքսատուրքեր սահմանելու մասին: Նշվում է, որ Բրազիլիան կարծում է, որ «եթե Լուլայի [դա Սիլվա] և Թրամփի միջև հեռախոսազրույցի ժամանակ ինչ-որ բան այնպես չգնա, ապա Բրազիլիայի շահերին հասցված վնասը կարող է ավելի մեծ լինել»:
Բրազիլիայի վարչակազմը հույսը դնում է երկու երկրների ֆինանսների նախարարների միջև բանակցությունների վրա: Ավելի վաղ Բրազիլիայի փոխնախագահ Ջերալդո Ալկմինը հանդիպել է ամերիկացի պաշտոնյաների հետ, սակայն դրա արդյունքները դեռևս չեն հրապարակվել: Այս հանդիպումից առաջ Լուլա դա Սիլվան կարծիք է հայտնել, որ Ալկմինը կկարողանա համաձայնության գալ Սպիտակ տան միջոցառումների վերանայման շուրջ:
