Reuters-ը հաղորդում է, որ Կիևի կողմից վերջերս ռուսական 10 նավթավերամշակման գործարանների վրա կատարված հարվածները, ըստ որոշ տեղեկությունների, շարքից դուրս են բերել Ռուսաստանի ընդհանուր նավթավերամշակման հզորության առնվազն 17 տոկոսը, որը համարժեք է օրական 1.1 միլիոն բարելի։
Ուկրաինան գնալով ավելի շատ է թիրախավորում նավթավերամշակման գործարանները, նավթամբարները և ռազմաարդյունաբերական օբյեկտները, դրանով իսկ թուլացնելով Մոսկվայի նավթ վերամշակելու և արտահանելու կարողությունը։
Ուկրաինայի գործողությունները գազի պակաս են առաջացրել Ռուսաստանի որոշ շրջաններում, գրում է Euronews-ը։
