Ֆուտբոլի Կոնֆերենցիաների լիգայի որակավորման փլեյ-օֆֆի պատասխան խաղում` Հայաստանի չեմպիոնի Երևանի «Նոա»-ն Աբովյանի քաղաքային մարզադաշտում ընդունեց Սլովենիայի չեմպիոն «Օլիմպիա»-ին ու առավելության հասավ 3:2 հաշվով:
Հանդիպման մեկնարկում «Նոա»-ն ակնհայտ առավելություն ուներ, որը գոլի վերածեց 17-րդ րոպեին: Դիպուկ հարվածով աչքի ընկավ Հելդերը ու ընդամենը երեք րոպե անց Հայաստանի չեմպիոնը երկրորդ գնդակն ուղարկեց մրցակցի դարպասը: Գոլն իր ակտիվում գրանցեց Այաշը:
Երկրորդ կեսում` 56-րդ րոպեին, «Օլիմպիա»-ն ստացավ 11 մետրանոց հարվածի իրավունք, որն անվրեպ իրացրեց Մարինը: «Օլիմպիա»-ն կարողացավ նաև երկրորդ գոլը խփել` Չանչարևիչի սխալից օգտվեց ու դուբլի հեղինակ դարձավ նույն Մարինը:
«Նոա»-ն իր երրորդ գնդակը խփեց 77-րդ րոպեին: Դիպուկ հարվածով աչքի ընկավ Հովհաննես Հարությունյանը:
Թիմերի առաջին խաղում «Նոա»-ն հաղթել էր 1:4 հաշվով:
Կոնֆերենցիաների լիգայի հիմնական փուլի վիճակահանությունը կկայանա օգոստոսի 29-ին:
Ռուսաստանը և Հայաստանը ԵՄ-ի և ԵԱՏՄ-ի անհամատեղելիության հարցում համաձայնության են եկել. Զախարովա 
