Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև նոր հեռախոսազրույցի վերաբերյալ դեռևս պայմանավորվածություններ չկան, սակայն անհրաժեշտության դեպքում այն կարող է արագ կազմակերպվել։ Այս մասին լրագրողներին հայտարարել է Ռուսաստանի առաջնորդի մամուլի քարտուղար Դմիտրի Պեսկովը, հաղորդում է TASS-ը։
«Ոչ, դեռևս հեռախոսազրույցի անցկացման կոնկրետ ժամկետների մասին պայմանավորվածություններ չկան։ Սակայն անհրաժեշտության դեպքում այդպիսի զրույցը կարող է շատ արագ կազմակերպվել, դրա համար կան բոլոր ուղիները»,- ասել է Կրեմլի ներկայացուցիչը։
