Թուրքիայի նախագահ Ռեջեփ Թայիփ Էրդողանը Իսրայելի վարչապետ Բենյամին Նեթանյահուին կրկին համեմատել է Ադոլֆ Հիտլերի հետ՝ Գազայում նրա գործողությունների համար։ Այս մասին նա լրագրողներին ասել է Կատարից վերադառնալիս։
«Պետք է հստակ հասկանալ, որ Իսրայելը ոչ թե կրոնի, այլ այլասերված գաղափարախոսության է ծառայում։ Նեթանյահուն ու նրա բանդան աշխարհին պատմում են սիոնիստական հորինված հեքիաթներ։ ՄԱԿ-ի կանոնադրությունը հռչակում է պետությունների տարածքային ամբողջականությունը, ինքնիշխան հավասարությունը և դրանց սահմանների բռնի փոփոխության անթույլատրելիությունը։ Հետևաբար, «խոստացված երկրի» հայեցակարգի հիման վրա ստեղծված սցենարները իրավաբանորեն անվավեր են և զուրկ են լեգիտիմությունից։ Նրանք, ովքեր կառավարում են Իսրայելը, ոչ այլ ոք են, քան մարդասպանների բանդա, որն իր արմատական հայացքները վերածել է ֆաշիստական գաղափարախոսության։ Այս առումով Նեթանյահուն գաղափարապես գործնականում հարազատ է Հիտլերին»,- Էրդողանի խոսքերը մեջբերում է Anadolu գործակալությունը։
Թուրքիայի ղեկավարը հավելել է, որ, իր կարծիքով, եթե Նեթանյահուն, Հիտլերի նման, իր հասած առաջընթացի ազդեցության տակ չկարողանա կանխատեսել իրեն սպասվող պարտությունը, ապա նույն «ճակատագիրը կունենա»։
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
