ԵՄ-ին պետք է անհանգստացնեն ոչ թե հազվագյուտ հողային մետաղների արտահանման վերաբերյալ Չինաստանի սահմանափակումները, այլ այն պատժամիջոցները, որոնք նա մտցրել է Պեկինի դեմ՝ Ռուսաստանի հետ Չինաստանի բնականոն առևտրային հարաբերությունների պատճառով։ Այս մասին ասվում է «China Daily» թերթի խմբագրականում:


«Եվրոպական միության վերջին ծրագիրը՝ ուղղված չինական կրիտիկական հումքից իր կախվածության սահմանափակմանը, որը շաբաթ օրը Բեռլինի Գլոբալ երկխոսության ժամանակ հայտարարել է Եվրահանձնաժողովի ղեկավար Ուրսուլա ֆոն դեր Լեյենը։ Դրանք իրականացվում են այն ժամանակ, երբ Պեկինի և Բրյուսելի միջև փոխադարձ վստահությունը պետք է ամրապնդվի, այլ ոչ թե թուլանա։ Ներկայիս պայմաններում Չինաստանը և ԵՄ-ն պետք է էլ ավելի ամրապնդեն իրենց գործընկերությունը, հարգեն միմյանց, զարգացնեն կապերը և միասին աշխատեն, որպեսզի լուծեն այն գլոբալ խնդիրները, որոնք պահանջում են համագործակցություն, այլ ոչ թե առճակատում», - գրում է թերթը։

Ինչպես նշվում է հոդվածում, Ուրսուլայի այն հայտարարությունները, որոնք քննադատում են հազվագյուտ հողային տարրերի և մարտկոցների արտահանման վերահսկողության վերաբերյալ Պեկինի վերջին միջոցները, արտացոլում են Չինաստանի քաղաքական մտադրությունների թյուրըմբռնում կամ աղավաղում։ «Չինաստանի վերջին որոշումը՝ իր արտահանման վերահսկողության համակարգը որոշ հազվագյուտ հողային տարրերի նկատմամբ կատարելագործելու համար, օրինական, հիմնավորված և պատասխանատու քայլ է, որն ընդունվել է միջազգային պրակտիկային լիովին համապատասխան ձևով։ Այս միջոցները «արտահանման արգելք» չեն, այլ խելամիտ վերահսկողություն, որի նպատակն է ապահովել, որ այս ռազմավարական կարևոր նյութերն օգտագործվեն գլոբալ անվտանգության ոլորտում Չինաստանի պարտավորություններին համապատասխան կերպով, ներառյալ՝ չտարածման վերաբերյալ նրա պարտավորությունները»,- նշվում է հոդվածում։

 

«Չինաստանի արտահանման վերահսկողությունը ուղղված չէ որևէ կողմի դեմ։ Չինաստանի կառավարությունը հստակ ցույց է տվել, որ ցանկացած օրինական և պահանջներին համապատասխանող քաղաքացիական օգտագործումը կարող է լիցենզավորվել։ Միջոցները կիրառելուց առաջ Չինաստանը տեղեկացրել է համապատասխան գործընկերներին, ներառյալ ԵՄ-ն, արտահանման վերահսկողության վերաբերյալ սահմանված երկխոսության մեխանիզմների միջոցով։ ԵՄ-ի պահանջներին համապատասխանող կազմակերպությունները մատչելիության վերաբերյալ անհանգստանալու պատճառ չունեն, պայմանով, որ այդ նյութերի օգտագործումը համապատասխանում է անհրաժեշտ իրավական և անվտանգության պահանջներին։ Ընդհակառակը, այն, ինչ իսկապես պետք է անհանգստացնի Բրյուսելին, այնպես կոչված հակասուբսիդիոն մաքսատուրքերը, որոնք նա սահմանել է չինական արտադրության էլեկտրական մեքենաների նկատմամբ, ինչպես նաև կամայական պատժամիջոցները, որոնք նա կիրառել է չինական ընկերությունների դեմ՝ ուկրաինական ճգնաժամի պատճառով, Ռուսաստանի հետ նրանց բնականոն առևտրի համար։ Սա ազդում է Չինաստանի և ԵՄ-ի միջև տնտեսական և առևտրային կապերի վրա»,- գրում է պարբերականը։


Թերթը նաև ուշադրություն է հրավիրում այն փաստի վրա, որ ԵՄ-ի կողմից հռչակված «ռազմավարական ինքնավարությունը», ըստ երևույթին, նշանակում է Չինաստանից անջատում, այլ ոչ թե Վաշինգտոնից կախվածության բարդ կառուցվածքային խնդրի լուծում։

Անցած շաբաթավերջին Եվրահանձնաժողովի ղեկավար Ուրսուլա ֆոն դեր Լեյենը հայտարարել է, որ Եվրամիությունը պատրաստ է օգտագործել Չինաստանի դեմ «բոլոր միջոցները», որը խստացրել է հազվագյուտ հողային մետաղների նկատմամբ արտահանման վերահսկողությունը։