Չեմպիոնների լիգայի 6-րդ տուրում կատալոնական «Բարսելոնան» կընդունի Ֆրանկֆուրտի «Այնտրախտին»: Հանդիպումը տեղի կունենա վերաբացված «Սփոթիֆայ Կամպ Նոու» ստադիոնում: Այս մասին հաղորդում է կատալոնական ակումբի մամուլի ծառայությունը։
«Բարսելոնա» - «Այնտրախտ» հանդիպումը տեղի կունենա դեկտեմբերի 9-ին։ Առաջիկա օրերին «Բարսելոնան» կսկսի տոմսերի վաճառքը։
Ավելի վաղ կատալոնացիները հայտարարել էին, որ արդեն վերակառուցված «Սփոթիֆայ Կամպ Նոու» ստադիոնում տեղի կունենա նաեւ Իսպանիայի առաջնության 13-րդ տուրի՝ Բիլբաոյի «Աթլետիկի» դեմ խաղը։
«Բարսելոնան» նախորդ անգամ սեփական ստադիոնում խաղացել է 2023թ․ մայիսի 28-ին՝ Իսպանիայի առաջնության 37-րդ տուրում հաղթելով «Մալյորկային» (3:0)։
Այս ընթացքում կատալոնական թիմը տնային հանդիպումներն անցկացնում է Բարսելոնայի Օլիմպիական ստադիոնում։
Սամվել Կարապետյանը ևս երկու ամիս կմնա կալանքի տակ. Պաշտպան 
