Պաղեստինյան ՀԱՄԱՍ շարժումը հայտնել է, որ Գազայի հատվածում Իսրայելի իրականացրած օդային հարվածների հետևանքով զոհվել է առնվազն 25 մարդ: Համապատասխան հայտարարությունը հրապարակվել է շարժման թելեգրամյան ալիքում:
«Գազա և Խան Յունիս քաղաքների վրա Իսրայելի իրականացրած հարվածների հետևանքով զոհվել է առնվազն 25 մարդ, նրանց թվում՝ կանայք և երեխաներ: Այդ հարձակումները լուրջ սրացման ակտ են, որով [Իսրայելի վարչապետ Բենյամին] Նեթանյահուն փորձում է վերսկսել պաղեստինցիների ցեղասպանությունը Գազայում», - ասված է հայտարարության մեջ: ՀԱՄԱՍ-ը հերքում է, որ իր զինյալները հարձակվել են իսրայելական զորքերի վրա և պնդում է, որ հրադադարի ուժի մեջ մտնելուց ի վեր անկլավում ավելի քան 300 պաղեստինցի է սպանվել:
ԱՄՆ նախագահ Դոնալդ Թրամփը հոկտեմբերի 9-ին հայտարարեց, որ Իսրայելի և արմատական պաղեստինյան ՀԱՄԱՍ շարժման ներկայացուցիչները համաձայնության են եկել խաղաղության ծրագրի առաջին փուլի վերաբերյալ, որը նախատեսում է Գազայի հատվածում պահվող բոլոր պատանդների ազատ արձակում և իսրայելական զորքերի դուրսբերում համաձայնեցված դիրքեր: Գազայում հրադադարի համաձայնագիրը ուժի մեջ է մտել հոկտեմբերի 10-ին:
