Հայաստանի հավաքականի խաղացող Գեւորգ Ղազարյանը, երեկ Կարագանդայի «Շախտյորի» կազմում մասնակցեց Եվրոպա լիգայի 2-րդ տուրի Հայֆայի «Մաքկաբիի» հետ մրցավեճին, որում արձանագրվեց մարտական ոչ-ոքի՝ 2:2:

Ղազարյանն այս մրցավեճում ոչ մի սխալ փոխանցում չի կատարել, իսկ երկրորդ գոլը տանտերերը խփեցին հենց հայ ֆուտբոլիստի փոխանցման արդյունքում:

Armsport.am-ը պատրաստել է տեսանյութ, որտեղ ներկայացված են Ղազարյանի մասնակցությամբ բոլոր դրվագները:

Գեւորգ Ղազարյանի վիճակագրությունը՝ «Մաքկաբիի» հետ խաղում.
Փոխանցումներ՝ 20 (20-0)
Սուր փոխանցումներ՝ 2 (2-0)
Հարվածներ՝ 2 (1-1)
Պայքար գնդակի համար՝ 9 (4-5)
Օդային պայքար՝ 1 (0-1)