Ուկրաինան համաձայնել է սահմանափակել իր զինված ուժերի թվաքանակը մինչև 800,000 մարդ, հաղորդում է բրիտանական Financial Times (FT) թերթը՝ հղում անելով Վլադիմիր Զելենսկիի գրասենյակին մոտ կանգնած աղբյուրներին։

Կիևը նաև ցանկանում է քննարկել տարածքային և անվտանգության երաշխիքների ամենազգայուն հարցերը Զելենսկու և ԱՄՆ նախագահ Դոնալդ Թրամփի հանդիպման ժամանակ։

Արևմտյան լրատվամիջոցները նախկինում հաղորդել էին, որ Թրամփի՝ ուկրաինական կարգավորման ծրագիրը նախատեսում է Ուկրաինայի զինված ուժերի անձնակազմի թվաքանակի կրճատում մինչև 600,000։

Երեքշաբթի օրը ABC News-ը, հղում անելով ամերիկացի պաշտոնյայի, հաղորդել է, որ Ուկրաինան համաձայնության է եկել ԱՄՆ-ի հետ ուկրաինական հակամարտության վերաբերյալ հնարավոր խաղաղության համաձայնագրի պայմանների շուրջ, սակայն ծրագրի որոշ մանրամասներ դեռ պետք է ճշգրտվեն։