Վարդենիսում 2 օր առաջ մահացած հայտնաբերված սպան Երևանի բնակիչ 26-ամյա Ալեքս Մ-ն է։ NEWS.am-ի տեղեկություններով նա կոչումով կապիտան էր, ծառայում էր Վարդենիսի զորամասում։ Դեպքը տեղի է ունեցել նրա վարձակալած տանը, որտեղ 1 տարուց ավելի ապրում էր։
«Ալեքսը զինվորական էր, մեկ տարի, գուցե մի քիչ ավելի կլիներ, որ Վարդենիսում այդ տունը վարձակալել էր, մենակ էր ապրում։ Դեպքի օրն էլ է մենակ եղել տանը։ Լսեցինք, որ գազի արտահոսք է եղել, շմոլ գազից է մահացել։ Ահավոր ցավ է, երիտասարդ տղա, ամուսնացած չէր․․․»,- ասաց մեր զրուցակիցը։
Վարդենիսի համայնքապետարանից NEWS.am-ին հայտնեցին, որ իրենց տեղեկություններով ևս մահվան պատճառը շմոլ գազն է եղել։
Վեհափառի հորդորին ենք սպասում, պատրաստ ենք ցանկացած գործողության, ինքնագլուխ քայլ չենք անի․ Սարգսյան 
