Մարոկկոյի ոստիկանությունը ձերբակալել է երկու դեռահասի, որոնք Facebook-ում տեղադրել են իրենց համբույրի լուսանկարը: Այս մասին հայտնում է Agence France Presse-ը:
Rif իրավապաշտպան կազմակերպության տվյալներով ձերբակալվածները սովորել են երկրի հյուսիս-արևելքում գտնվող Նադոր քաղաքի միևնույն դպրոցում: Ձերբակալության պատճառը հասարակական կարգի խախտումն է եղել:
Դեռահասների ձերբակալությունը առաջացրել է տեղի բնակչության զայրույթը: Անչափահաս իրավախախտների պահպանման կենտրոնի առաջ տեղի է ունենում նստացույց: Բացի դա շատ մարոկացի դեռահասներ ի նշան բողոքի Facebook-ի իրենց էջերում տեղադրել են իրենց համբույրի լուսանկարները:
Տեղի իշխանությունները հաստատել են ձերբակալության փաստը, սակայն հրաժարվել են մեկնաբանություն տալ: Հոկտեմբերի 11-ին ձերբակալվածները պետք է կանգնեն դատարանի առաջ:
Մարոկկոյում, որտեղ պետական կրոնը համարվում է իսլամի սունի ճյուղը, արտաամուսնական կապերը անօրինական են համարվում և պատժվում են մեկ տարի ազատազրկմամբ:
«Ֆիլմը մեծահասակները երեխաների հետ կդիտեն առանց լարվածության, լեզուն գռեհիկ չէ ու մաքսիմալ պահպանպանված է ցենզուրան». Գրիգոր Դանիելյան
