Հունվարի 21-ին առեղծվածային ու ողբերգական դեպք է տեղի ունեցել Արարատի մարզում։ Ժամը 16։50-ի սահմաններում ՀՀ ՆԳՆ համայնքային ոստիկանության գլխավոր վարչության Արտաշատի բաժին է զանգահարել անհայտ քաղաքացի և հայտնել, որ 1 ամիս առաջ ազգությամբ եզդի Հ․ Բ․-ն ոտքով հարվածել է 9 ամսական հղի կնոջը, ով եկել է Թուրքիայից և մոտ 10 օրից պետք է ծննդաբերեր, ինչի հետևանքով պտուղը մահացել է ու ավելացրել, որ ոստիկանները պետք է խուզարկեն վերջինիս բնակարանը, քանի որ զենք են պահում տանը և վերջինս իր դեռ չծնված 9 ամսական երեխային սպանել է, հաղորդում է Shamshyan.com-ը։
Ոստիկանության Արտաշատի բաժնի ծառայողները պարզել են, որ Հ․ Բ․-ն Երևանի բնակիչ, ազգությամբ քուրդ 30-ամյա Հեքիմ Բ․-ն է, իսկ նրա կինը՝ օտարերկրացի 32-ամյա Աիդա Կ․-ն, է։
Ոստիկանության Արտաշատի բաժնի ծառայողները հայտնաբերել են Հեքիմ Բ․-ին ով հայտնել է, ինքն ու Աիդա Կ․-ի ամուսնացել են 2024թ․ նոյեմբերին և մի քանի ամիս անց տեղեկացել են, որ երեխայի են սպասում ու հղիության ժամանակ կինը բարդություններ է ունեցել և տարբեր բուժումներ է ստացել, սակայն ծննդաբերությունից մոտ երկու շաբաթ առաջ, հերթական ստուգման ժամանակ պարզվել է, որ երեխան մահացել է, որից հետո «Շենգավիթ» բժշկական կենտրոնում մահացած պտուղը հեռացվել է։
Նա հայտնել է նաև, որ ինքը իր կնոջ հետ չի վիճաբանել, վերջինիս չի ծեծել։
Ոստիկանության Արտաշատի բաժնի ծառայողների կողմից ձեռնարկվում են միջոցառումներ անհայտ քաղաքացու ինքնությունը պարզելու, նրան, ինչպես նաև Աիդա Կ․-ի հայտնաբերելու ուղղությամբ։
ՎԻԴԵՈ. ՔՊ քարտուղարի համար օրենք չկա, իսկ քաղաքացիներին դատապարտում են. «Ժողովուրդ» 
