Մեծ Բրիտանիայի երկու ավիակիրներից մեկը՝ HMS Prince of Wales ավիակիրը, ըստ ամենայնի, չի տեղակայվի Մերձավոր Արևելքում, չնայած այն հանգամանքին, որ ավիակիրը հանգստյան օրերին բարձր մարտական պատրաստվածության վիճակում էր, հաղորդում է BBC-ն։
Աղբյուրները BBC-ին հայտնել են, որ ավիակիրը, ամենայն հավանականությամբ, կուղևորվի Արկտիկա՝ ՆԱՏՕ-ի զորավարժություններին մասնակցելու համար։
Բրիտանական պաշտոնյաները հայտարարել են, որ ներկայում Պորտսմութում գտնվող նավը չի պատրաստվում մասնակցել Իրանի հետ կապված գործողություններին, իսկ վարչապետի գրասենյակը հայտարարել է, որ «դրա տեղակայման վերաբերյալ որոշում չկա»։
HMS Prince of Wales-ը Մերձավոր Արևելք տեղակայելու ծրագրերը չեղարկելու որոշումն ընդունվել է, երբ նախագահ Թրամփն ավելի վաղ հայտարարել էր, որ բրիտանական ավիակիրները ռազմական արշավում անհրաժեշտ չեն։
«Մենք վերջապես լրջորեն քննարկում էինք Մերձավոր Արևելք երկու ավիակիր ուղարկելու հարցը,- գրել է Թրամփը։ -Ոչինչ, վարչապետ Սթարմեր, մեզ դրանք այլևս պետք չեն, սակայն մենք դա կհիշենք։ Մեզ պետք չէ, որ որևէ մեկը միանա պատերազմներին, երբ մենք արդեն հաղթել ենք»։
Ու՞մ հետ է ամուսնացած Թամարա Պետրոսյանը 
