Իրանի արտաքին գործերի նախարար Աբբաս Արաղչին Իսրայելի կողմից Թեհրանում վառելիքի պահեստների վրա հարվածները որակել է որպես բնապահպանական հանցագործություն և կոչ է արել պատժել Իսրայելի իշխանություններին։
«Իսրայելի կողմից Թեհրանում վառելիքի պահեստների ռմբակոծությունը խախտում է միջազգային իրավունքը և կազմում է բնապահպանական հանցագործություն», - գրել է Արաղչին X սոցիալական ցանցում։
Նա ասել է, որ բնակիչները երկարաժամկետ վնաս են կրում իրենց առողջությանը և բարեկեցությանը, իսկ հողի և ստորգետնյա ջրերի աղտոտումը կարող է հետևանքներ ունենալ սերունդների համար։
«Իսրայելը պետք է պատժվի իր ռազմական հանցագործությունների համար», - հավելել է նա։
Միևնույն ժամանակ, երկուշաբթի վաղ առավոտյան իսրայելական բանակը հայտարարել է, որ հարվածներ է հասցրել Թեհրանում գտնվող թիրախներին։
«Բեյրութում հարվածներից հետո Իսրայելի պաշտպանության ուժերը (IDF) լայնածավալ հարվածների շարք են սկսել Թեհրանում Իրանի ահաբեկչական ռեժիմի ենթակառուցվածքների դեմ», - հաղորդել է Իսրայելի բանակը հեռագրում։
Ես սխալ չունեմ, էկոնոմիկան էլ շատ լավ վիճակում ա, սենց տնտեսական աճ մատների վրա հաշված երկրներում կա. Պապոյան 
