Հյուսիսային Կորեայի առաջնորդ Կիմ Չեն Ընը և նրա դուստրը՝ Կիմ Չժու-էեն, զորավարժությունների ժամանակ վարել են Հյուսիսային Կորեայի նորագույն գլխավոր մարտական ​​տանկը։ Լուսանկարները հրապարակել է Կորեայի կենտրոնական լրատվական գործակալությունը (KCNA):


Մարտի 19-ին Հյուսիսային Կորեայի առաջնորդը այցելել է Կորեայի ժողովրդական բանակի մայրաքաղաքային պաշտպանության կորպուսի վարժական բազա։ Այնտեղ նա դիտել է հետևակի և տանկային ստորաբաժանումների համատեղ հարձակմանը մասնակցող մարտավարական զորավարժությունները և կրկին ծանոթացել նոր տանկի մարտական ​​բնութագրերին։


Ըստ Կիմ Չեն Ընի՝ այս տանկը յոթ տարվա մշակման արդյունք է։ «Ես վստահ եմ, որ աշխարհում չկա որևէ զրահապատ մեքենա, որն ունենա այս տանկի նման հզոր ինքնապաշտպանության հնարավորություն», - ընդգծել է նա։