Պետդեպարտամենտը կոչ է արել Իրանում գտնվող ԱՄՆ քաղաքացիներին ապաստան գտնել և պաշարներ կազմել սննդի ու դեղորայքի համար։
«Եթե որոշեք չօգտվել երկրից հեռանալու առկա տարբերակներից, այդ թվում՝ առևտրային տարբերակներից, պետք է պատրաստ լինեք ապաստան փնտրել անվտանգ վայրում՝ ձեր տանը կամ այլ անվտանգ շենքում։
Պահեստավորեք սնունդ, ջուր, դեղորայք և այլ անհրաժեշտ իրեր», – ասվում է ԱՄՆ «վիրտուալ դեսպանատան» կայքում տեղադրված հայտարարության մեջ։
ԱՄՆ նախագահ Դոնալդ Թրամփը երկուշաբթի օրը հայտարարել է, որ ԱՄՆ-ը և Իրանը շատ դրական և արդյունավետ բանակցություններ են վարել։
Նա նշել է, որ Պենտագոնին հանձնարարել է հինգ օրով հետաձգել Իրանի էներգետիկ ենթակառուցվածքների վրա հարվածները։ Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ ԱՄՆ-ի հետ բանակցություններ չեն եղել, և որ կեղծ լուրերը ծառայում են շուկաները մանիպուլյացիայի ենթարկելուն։
