ԱՄՆ նախագահ Դոնալդ Թրամփը հայտարարել է, որ Իրանի ղեկավարությունը պատրաստ է կատարել ԱՄՆ պահանջների մեծ մասը։
«Նրանք մեզ հետ զիջումների են գնացել կետերի մեծ մասում։ Ինչո՞ւ չգնան», – ասել է նա լրագրողներին իր ինքնաթիռում՝ Ֆլորիդա նահանգի Ուեսթ Փալմ Բիչից Վաշինգտոն թռչելիս, պատասխանելով այն հարցին, թե արդյոք ԱՄՆ-ը Իրանին ուղարկել է հակամարտությունը դադարեցնելու 15 կետանոց ծրագիր։
«Նրանք համաձայն են մեր ծրագրի հետ։ Այսինքն՝ մենք նրանցից 15 բան խնդրեցինք», – հավելել է ամերիկացի առաջնորդը։ Նա վստահեցրել է, որ Թեհրանը «մեծ մասամբ» համաձայնել է կատարել այդ պահանջները։
«Կարծում եմ՝ մենք նրանց հետ համաձայնագիր կկնքենք, ես բավականին վստահ եմ դրանում։ Բայց լիովին հնարավոր է, որ մենք դա չանենք», – նշել է նա։
