ԱՄՆ-ի կողմից Հորմուզի նեղուցի շրջափակման առաջին 24 ժամվա ընթացքում Իրան ուղևորվող ոչ մի նավ չի անցել ջրային ճանապարհով: Այս մասին հայտնել է ԱՄՆ Կենտրոնական հրամանատարությունը (CENTCOM) X սոցիալական մեդիա հարթակում:
«Առաջին 24 ժամվա ընթացքում ոչ մի նավ չի անցել շրջափակման միջով, մինչդեռ վեց առևտրային նավեր կատարել են ԱՄՆ ուժերի պահանջը՝ վերադառնալ Օմանի ծոցի իրանական նավահանգիստներ», - ասվում է հայտարարության մեջ:
Ավելի քան 10,000 ամերիկացի զինվորներ, ինչպես նաև տասնյակ նավեր և ինքնաթիռներ, ըստ տեղեկությունների, մասնակցել են շրջափակման կիրառմանը: Այնուամենայնիվ, ԱՄՆ սահմանափակումները չեն տարածվում այն նավերի վրա, որոնք չեն ուղևորվում դեպի իրանական նավահանգիստներ կամ չեն մեկնում դրանցից:
The Mirror-ը նույն օրը ավելի վաղ հայտնել էր, որ ԱՄՆ դաշնակիցներ Մեծ Բրիտանիան և Ֆրանսիան դեմ են եղել Հորմուզի նեղուցի շրջափակմանը: Հրատարակությունը նշել է, որ Մեծ Բրիտանիայի տարբեր ընտանիքներ տառապում են հետևանքներից: Բենզինի գները կտրուկ բարձրացել են նեղուցի փակման պատճառով, որի միջով էր տեղափոխվում համաշխարհային նավթի 20%-ը, նախքան ԱՄՆ-ի և Իսրայելի կողմից Իրանի վրա հարձակվելու որոշումը կայացնելը։
Մոսո Կարապետյանը` մարիխուաննայի գործով զբաղվլու մասին
