Հնդկաստանում արբանյակային կապի ծառայություններ մատուցելու համար Starlink ընկերության ջանքերը լուրջ խոչընդոտների են բախվում, քանի որ Հնդկաստանի կառավարությունը զգուշավորություն է ցուցաբերում Իլոն Մասկին պատկանող ընկերության ներդրումային առաջարկի հաստատման հարցում։ Սա տեղի է ունենում համաշխարհային աշխարհաքաղաքական իրավիճակի փոփոխությամբ պայմանավորված ազգային անվտանգության վերաբերյալ աճող մտահոգությունների ֆոնին, հայտնում է The Economic Times-ը։
Հայտը կարող է մերժվել, եթե կառավարության բարձրացրած հարցերին չտրվեն բավարար պատասխաններ։
Ընկերությունը սպասում է գաղտնի տեղեկատվության հասանելիության կարևորագույն թույլտվությանը, որը կարող է տրվել միայն այն դեպքում, եթե Հնդկաստանի կառավարությունն ու հատուկ ծառայությունները վստահ լինեն իրավիճակը վերահսկելու իրենց կարողության մեջ՝ օրինակ, եթե չարագործների կողմից Starlink-ի ինտերնետային ծառայությունների հնարավոր չարաշահում տեղի ունենա:
«Կառավարությունում լուրջ մտահոգություններ կան այն սպառնալիքների վերաբերյալ, որոնք Starlink-ը կարող է առաջացնել ազգային անվտանգության համար պատերազմական գործողությունների կամ այլ ճգնաժամային իրավիճակների ժամանակ», — պարզաբանել է աղբյուրը:
Հնդկաստանի համար լրացուցիչ մտահոգության առիթ է դարձել այն փաստը, որ Starlink-ի տերմինալներ են օգտագործվել Իրանի տարածքում (տեղի կառավարության պաշտոնական արգելքին հակառակ ձևով):
Ինչո՞ւ է Փաշինյանը վերադարձնում «Խորոված փարթին» 
