Իրանը Լիբանանի վրա Իսրայելի ցանկացած նոր հարձակում կդիտարկի որպես փոխըմբռնման հուշագրի դրույթների խախտում։ Այս մասին հայտարարել է Իսլամական Հանրապետության արտգործնախարար Աբաս Արաղչին։ Փաստաթուղթը նախատեսվում է ստորագրել ուրբաթ օրը Ժնևում՝ ԱՄՆ ներկայացուցիչների հետ։
«Լիբանանի վրա սիոնիստական ռեժիմի ցանկացած ռազմական հարձակում և լիբանանյան տարածքների հետագա օկուպացիան, մեր կարծիքով, կհամարվի փոխըմբռնման հուշագրի խախտում», — նշել է նա օտարերկրյա պետությունների դեսպանների հետ հանդիպման ժամանակ։
Ավելի վաղ ԱՄՆ-ի և Իրանի պաշտոնյաները, ինչպես նաև բանակցային գործընթացում որպես միջնորդ հանդես եկող Պակիստանը, հաստատել էին Վաշինգտոնի և Թեհրանի միջև համաձայնության ձեռքբերումը։ Այն նախատեսվում է ստորագրել հունիսի 19-ին Ժնևում։ Ինչպես հայտնում են Թեհրանից, հուշագրի ստորագրմանը հաջորդող 60-օրյա ժամանակահատվածում կողմերը կքննարկեն նաև իրանական միջուկային ծրագիրը։ Բացի այդ, հունիսի 15-ից հայտարարվում է ԱՄՆ-ի կողմից Իսլամական Հանրապետության ծովային շրջափակման ավարտը, ինչպես նաև բոլոր ճակատներում, այդ թվում՝ Լիբանանում, ռազմական գործողությունների անհապաղ և մշտական դադարեցումը։
Աշտարակում վթարվել է երեխաներին էքսկուրսիա տանող ավտոբուսը․ ՏԵՍԱՆՅՈՒԹ
