Ճապոնիայի հյուսիսում գտնվող Աոմորի պրեֆեկտուրայի ափերի մոտ 5,8 մագնիտուդով երկրաշարժ է գրանցվել, հայտնում է Kyodo-ն՝ հղում անելով Ճապոնիայի օդերևութաբանական գործակալությանը։
Ստորգետնյա ցնցումները գրանցվել են 2026 թվականի օգոստոսի 1-ին՝ տեղական ժամանակով ժամը 11:48-ին։
Երկրաշարժի էպիկենտրոնը գտնվել է Աոմորի պրեֆեկտուրայի մոտ գտնվող ծովում՝ մոտավորապես 41,3° հյուսիսային լայնության և 142,0° արևելյան երկայնության կոորդինատներում։
Երկրաշարժի օջախը գտնվել է մոտ 80 կիլոմետր խորության վրա։ Ճապոնիայի սեյսմիկ ակտիվության յոթբալանոց սանդղակի տվյալներով՝ ցնցումների ինտենսիվությունն առանձին շրջաններում հասել է 4 բալի։
Երկրաշարժից հետո ցունամիի մասին նախազգուշացում չի հայտարարվել։ Տուժածների կամ ավերածությունների մասին տեղեկություններ առայժմ չեն հաղորդվել։
