«Հայաստանում  արժեքային, բովանդակային  փոփոխությունը տեղի է ունենալու և այդ հավատը մենք փորձելու ենք տալ մեր քաղաքացիներին»,- լրագրողների հետ հանդիպման ժամանակ նշեց «Ժառանգություն» կուսակցության փոխնախագահ Արմեն Մարտիրոսյանը:

Վերջինիս խոսքերով օրինական ռեսուրսները նախագահական ընտրություններին հավասար են , իսկ Րաֆֆի Հովհաննիսյանի ռեսուրսներն անգամ շատ ավելին են, քան գործող նախագահինը:

«Հայաստանում առաջին անգամ բովանդակային ընտրություններ են լինելու, երբ չկա իշխանությունների փոփոխության պահանջ, այլ կա կառավարման համակարգի փոփոխության պահանջ»,-նշում է փոխնախագահը:

Լրագրողների այն հարցին, թե արդյո՞ք իրենց թռուցիկներում նրանք չեն կատարում Սերժ Սարգսյանի սև գովազդը, Արմեն Մարտիրոսյանը պատասխանեց. « Մենք ընդամենը իրավիճակ ենք ներկայացնում և ցույց ենք տալիս այն իրավիճակը, որը կլինի Րաֆֆի Հովհաննիսյանի ընտրության պարագայում»:

«Ժառանգություն» կուսակցության փոխնախագահը նշեց, որ նախագահական ընտրություններում  դեռ որևէ խոչընդոտի չեն հանդիպել. <<Ուռճացված ընտրացուցակների, ընտրակաշառքի մասին ոչինչ չեմ կարող ասել»:

Yerevannews.am