9-ամյա Ժասմին Սարգսյանն օգնության կարիք ունի: Նրա աջ կիսագնդում հայտնաբերվել է մեծածավալ արնազեղում` ձևավորված հեմատոմայով:
Երեխայի հիվանդությունը զարգացել է սուր ձևով: Նոյեմբերի 1-ի գիշերը անոթային պաթոլոգիայի արատ ունեցող երեխան գլուխը հարվածել է պատին, ինչի պատճառով էլ նրա արնատար անոթը պատռվել է և ստացել է արնազեղում: Առավոտյան երեխան գիտակցության մթագնածությամբ տեղափոխվել է «Սուրբ Աստվածամայր» բժշկական կենտրոն:
Վերակենդանացման բաժանմունքում մի քանի օր անցկացնելուց հետո նա այժմ տեղափոխվել է նյարդավիրաբուժության բաժանմունք, որտեղ ստանում է բուժում: Նրա վիճակը կայունանալուց հետո պետք է արվի վիրահատություն:
Նման կարգի վիրահատություններ արվում են Հայաստանում` թիվ մեկ համալսարանական կլինիկայում:
Երեխայի մոր խոսքերով, Թիվ մեկ համալսարանական կլինիկայում նրան ասել են, որ վիրահատությունները պետք է արվեն երեք փուլով և դրանց գինը տատանվում է 3-8.5 մլն դրամի սահմաններում: Երեխայի ընտանիքը, սակայն, վիրահատության համար գումար չունի:
Ծնողները դիմում են բոլոր գթասիրտ մարդկանց` օգնելու երեխայի վիրահատության համար գումարի հարցում:
Փոքրիկ Ժասմինին օգնություն ցուցաբերելու նպատակով ՎՏԲ Հայաստան բանկում բացվել է հաշվեհամար
Դրամով փոխանցում կատարելու համար` 16046037902900
Դոլարով փոխանցում կատարելու համար`16046037902901
Եվրոյով փոխանցում կատարելու համար` 16046037902902
Ռուբլիով փոխանցում կատարելու համար` 16046037902903
Երեխայի մոր հետ կապ հաստատելու համար կարող եք զանգել 091609083 հեռախոսահամարին:
Փաշինյանը թուրքական թեյ է խմում Անթալիայում (վիդեո) 
