ԱԺ ՀԱԿ խմբակցության պատգամավոր Հրանտ Բագրատյանն այսօր կայացած ասուլիսի ընթացքում նշեց, որ ՀՀ ֆինանսների նախարար Դավիթ Սարգսյանը ստում է՝ ասելով, թե 2014թ.-ի բյուջեի մեջ եկամուտները պատշաճ կերպով ներկայացված են:
«Բյուջեի այդ 989 էջի մեջ կա 6 տող եկամուտների մասին: Այդպես օրենքով բյուջեի եկամուտները չեն հաստատվում: Նախարարը երեկ չէ առաջին օրը պարզապես ստում էր», - նշեց նա, հավելելով, որ գոյություն ունի 3800 էջ փաստաթուղթ, բայց Սահմանադրությունը խախտվում է և բյուջեի եկամուտները պատշաճ կերպով չեն ներկայացվում:
Ըստ նրա՝ կառավարության մյուս հանցագործությունն այն է, որ բյուջեն հաստատվում է առանց տեղական ինքնակառավարման մարմինների:
ՀԱԿ պատգամավորի խոսքով, ինչքան էլ փորձեն նկարել տնտեսական աճ, ինչպես Բագրատյանը նկատեց, 3-4 ամսից կերևա իրական տնտեսական աճը:
«Ես ուղիղ տեքստով Ազգային վիճակագրական ծառայության պետին ասում եմ՝ տղա ջան, դու պատմություն ես աղավաղում: Համաշխարհային բանկն էլ ասում է, որ վերցրել է մեր թվերը և հաշվել ՀՆԱ-ում մեկ շնչին հասնող ծավալը»,-ասաց նա։
Նա նշեց, որ Երբ Հայաստանի Հանրապետության պետական բյուջեի մասին խոսելիս տալիս են Արժույթի միջազգային հիմնադրամի կամ Համաշխարհային բանկի անունները, «մարդու ֆազերը քիչ ա մնում գցի»:
Միրանչուկի գոլը փրկել է «Ատլանտային» պարտությունից «Ինտեր Մայամիի» դեմ խաղում (տեսանյութ) 
