Աժ արտահերթ նիստ հրավիրելու կարևորությունը նրանում է, որ բոլոր կողմերով քննարկումներին մասնակից լինեն: Նման տեսակետ այսօր լրագրողների հետ հանդիպման ժամանակ հայտնեց ԱԺ ՀՀԿ խմբակցության ղեկավար Գալուստ Սահակյանը:
«Պետության կարևոր խնդիրների քննարկումը կարող է երկու օր տևի, կարող է չորս օր տևի, որովհետև մենք վերջին հաշվով պետք է բանակցենք»,անդրադառնալով հնարավոր արտահերթ նիստին ասաց ՀՀԿ խմբակցության ղեկավարը և հավելեց, որ դա աշխատանք է, որը պետք է քննարկվի կուսակցական թիմով:
Գալուստ Սահակյանը համոզված է նաև, որ փետրվարի 18-ին կայացած ընտրությունները լավ են եղել և դրա արդյունքում նոր ընդդիմություն է ծնվել.« Եվ պետք է մենք էլ մեր որոշումներով ոչ թե հակազդենք, որ չձևավորվի այդ ընդդիմությունը, այլ այնպիսի դաշտ ստեղծենք, որպեսզի ընդդիմությունն արժանապատիվ դերակատարություն ունենա», եզրափակեց Գալուստ Սահակյանը:
Մեսին՝ ՄԼՍ-ի ավարտված կանոնավոր առաջնության լավագույն ռմբարկու (տեսանյութ) 
